Qarabağ münaqişəsi: sülh prosesi yoxsa onun imitasiyası?

Çərşənbə axşamı Britaniya paytaxtında "Dağlıq Qarabağ münaqişəsi - Azərbaycandan baxış" mövzusunda müzakirələrdə, o cümlədən, tərəflərin razılaşmaya hazır olub-olmadığı və mümkün sülhməramlı əməliyyatın perspektivləri təhlil edilib.

Beynəlxalq Münasibətlər üzrə Chatham House Kral Araşdırmalar İnstitutunda (Royal Institute of International Affairs) fikir mübadiləsi vaxtı qeyd olunub ki, sülh prosesində nəticələrin olmaması Bakıda məyusluğu dərinləşdirir.

İlham Əliyev: Ermənistan Azərbaycanı təxribata çəkir

Azərbaycan-Avropa İttifaqı əlaqələrinə toxunan prezident Avropa İttifaqının bəzi dairələrinin ölkəmizlə bağlı qərəzli mövqeyinin yolverilməz olduğunu bildirib

Prezident İlham Əliyev sentyabrın 30-da Avropa İttifaqının Cənubi Qafqaz üzrə xüsusi nümayəndəsi Herbert Salberin başçılıq etdiyi nümayəndə heyətini qəbul edib.

"Report" xəbər verir ki, Herbert Salber səfərinin Avropa İttifaqı ilə Azərbaycan arasındakı əlaqələrin hazırkı mərhələsində bəzi məsələlərin və eləcə də regiondakı münaqişənin müzakirəsi üçün yaxşı imkan yaradacağını bildirib.

AŞPA-ya yeni sədrin seçilməsi nə vəd edir?

Əvəz Həsənov: “Pedro Aqramunt Azərbaycan lobbisinin dostu sayılır” Avropa Şurası Parlament Assambleyasının (AŞPA) payız sessiyasının plenar iclasından sonra qurumda təmsil olunan Avropa Xalq Partiyası fraksiyasında Assambleyanın 2016-cı ilin yanvarında keçiriləcək sessiyasına AŞPA sədri postuna seçkilər keçirilib.  Seçkilər qrup daxilində iki namizəd, Azərbaycan üzrə keçmiş həmməruzəçi, ispaniyalı deputat Pedro Aqramunt və fransalı deputat, AŞPA-nın sabiq sədri Jan-Klod Minyon arasında keçirilib. Seçkilərdə 109 nəfər iştirak edib və 75 səs lehinə, 30 səs əleyhinə olmaqla Pedro Aqramunt növbəti dövr üçün AŞPA sədri postuna seçilib. AŞPA-nın yeni sədri Pedro Aqramunt Azərbaycan üzrə həmməruzəçi olarkən Dağlıq Qarabağ münaqişəsinin həlli istiqamətində obyektiv mövqeyi ilə seçilib. 

İlham Əliyev Qarabağın həlli yolunu bəyan etdi (FOTO)

"Regional təhlükəsizlik məsələləri böyük əhəmiyyət daşıyır. Bu gün qəbul edəcəyimiz Bəyannamədə Ermənistan-Azərbaycan, Dağlıq Qarabağ münaqişəsi ilə bağlı çox dəyərli fikirlər var. Bu sənəddə beynəlxalq hüququn norma və prinsipləri öz əksini tapır".

Məlumata görə, bu sözləri Qazaxıstanda səfərdə olan prezident İlham Əliyev Türkdilli Dövlətlərin Əməkdaşlıq Şurasının (TDƏŞ) V Sammitində deyib.

Dağlıq Qarabağın əzəli Azərbaycan torpağı olduğunu bildirən prezident bəyan edib ki, əsrlər boyu Azərbaycan xalqı bu torpaqlarda yaşayıb, yaradıb: "Nəinki Dağlıq Qarabağ, eyni zamanda, qədim türk torpağı olan Zəngəzur da bizim əzəli torpağımızdır.

Hərbi ittifaq Qarabağa qoşun göndəriləcəyi anonsunu verdi – Rəsmi Bəyanat

“Kollektiv Təhlükəsizlik Müqaviləsi Təşkilatının (KTMT) kollektiv aviasiya qüvvələrinin yaradılması üçün təkliflər hazırlanır”.
Modern.az saytının Rusiya KİV-nə istinadən verdiyi xəbərə görə bu barədə KTMT baş katibinin müavini Valeri Semerikov bildirib.
O deyib ki, KTMT-nın qüvvə və vasitələrinin daşınmasını təmin edəcək kollektiv aviasiya qüvvələrinin yaradılması istiqamətinfə təkliflər hazırlayıblar.

4013 azərbaycanlı əsir, itkin və girov kimi qeydiyyatdadır - Rəsmi MƏLUMAT

Əsir və itkin düşmüş, girov götürülmüş vətəndaşlarla əlaqədar Dövlət KomissiyasındanModern.az-a verilən məlumata görə, 1 iyul 2015-ci il tarixinə əsir, itkin düşmüş və girov götürülmüş şəxslərin sayı 4013 nəfər təşkil edib. Onlardan 3253 nəfər hərbçi, 756 nəfər mülki şəxslərdir. 2 nəfərin hərbçi və ya mülki olduğu məlum deyil. 

Mülki şəxslərdən 60 nəfəri itkin düşərkən yetkinlik yaşına çatmamış uşaq (18 nəfər azyaşlı qız), 253 nəfər qadın, 353 nəfər yaşlı şəxsdir (154 nəfər qadın). 

Əsir, itkin düşmüş 4013 nəfərdən 877 nəfərin əsir və girov götürülməsi barədə məlumatlar daxil olub, şahid ifadələri alınıb. 

“Qarabağ danışıqları”na generallar qoşulur

Münaqişə ətrafındakı situasiyada təhlükəli dönüş; Kreml və İrəvan Bakı əleyhinə yeni anlaşma içində; Putinin kəşfiyyat generallarını Ermənistana yollamasının pərdəarxası; KTMT baş katibi Bordyujadan bir gün sonra QRU başçısının da İrəvana getməsi təsadüfdümü? Rusiya “bir güllə ilə 3 dovşan” hədəfləyib...

Ötən həftə Qarabağ məsələsi ətrafında həm diplomatik, həm də hərbi alanda əhəmiyyətli hərəkətliliklə yadda qaldı. Həftənin əvvəlində ATƏT-in Minsk Qrupunun həmsədrləri və Avropa Birliyi Şurasının sədri Donald Tusk İrəvan və Bakıda oldular, həftəsonu isə atəşkəs rejimi qəfildən, növbəti dəfə təhlükə altına düşdü.

Qarabağ haqda hələ belə açıq danışılmamışdı

“Dağlıq Qarabağ münaqişəsinin həlli haqda hələ belə açıq danışılmamışdı” - sosial şəbəkələrdə ATƏT-in Minsk Qrupunun amerikalı həmsədri James Warlick-in son müsahibəsini paylaşanlar belə yazır.

Düzdür, bu xəbər son olayların fonunda kölgədə qaldığından elə də diqqət çəkməyib. Həmsədr axırıncı müsahibəsində Dağlıq Qarabağ münaqişəsinin həlli yolları haqda açıq-aşkar danışır.

Həmsədrlər Dağlıq Qarabağ münaqişəsini müzakirə edib

ATƏT-in Minsk qrupu həmsədrlərinin Moskva görüşü baş tutub.

Rusiya Xarici İşlər Nazirliyi bildirib ki, dövlət katibi, nazir müavini Qriqori Karasin də həmsədrlər, James Warlick (ABŞ), Pierre Andrieu (Fransa) və İqor Popovla (Rusiya) görüşüb.

Bazar ertəsi keçirilən görüşdə həmçinin, ATƏT sədrinin şəxsi nümayəndəsi Andrzej Kasprzyk də iştirak edib.

Hakimiyyət ciddi şəkildə Rusiya təbliğatına başlayıb

Zahid Oruc: «7 rayonun qaytarılması, Putinin masası üzərinə Azərbaycanla bağlı planların yatırılması haqqında deyilənlər əsassız deyil»

Hikmət Hacızadə: «Rusiya yalnız bir halda Qarabağı Azərbaycana güzəştə gedə bilər, o yol isə ölkəmizin suverenliyini tam formada itirməsinə aparır»

Məcburi köçkünlərin nəzərinə!

Fərarilik etmiş, il ərzində 182 gündən artıq xaricdə olmuş və deputat seçilmiş məcburi köçkünlərə müavinət verilməsi dayandırılacaq

 

Azərbaycanda məcburi köçkün statusu olan şəxslərə hansı hallarda yemək xərci üçün aylıq müavinət verilib-verilməyəcəyi müəyyənləşib.

 

Qaçqınlar və Məcburi Köçkünlərin İşləri üzrə Dövlət Komitəsinin sədri Əli Həsənov bununla bağlı “Məcburi köçkünlərə yemək xərci üçün dövlət büdcəsindən verilən aylıq müavinətin paylanılmasına dair Təlimatı” yeni redaksiyada təsdiq edib.

Britaniyalı siyasətçilər: “Artıq Ermənistanın Dağlıq Qarabağın işğalındakı rolunu etiraf etməyin vaxtı çatıb”

Strasburqda yerləşən Avropa İnsan Hüquqları Məhkəməsinin (AİHM) Böyük Palatası “Çıraqov və digərləri Ermənistana qarşı” (ərizə No. 13216/05) işi ilə bağlı qərarı britaniyalı parlamentarilər tərəfindən ədələtin təntənəsi kimi dəyərləndirilib.

Publika.az xəbər verir ki, Avropa İnsan Hüquqları Konvensiyasının üç xüsusi maddəsinin pozuntusunun qəbul edilməsindən əlavə məhkəmə həmçinin Ermənistanın Dağlıq Qarabağa və 7 ətraf rayonun ərazisinə tam nəzarətinin olmadığını iddia edən Ermənistan hökumətinin etirazını rədd edib. Məhkəmə qərar verib ki, bu münaqişə hazırda hakimiyyətdə olan rejimin üzvləri tərəfindən başlandığından və həyata keçirildiyindən Ermənistan bu münaqişəyə cavabdehdir.

Azərbaycan iqtisadiyyatını Avropa Oyunlarından sonra nə gözləyir?

İki ilə yaxın hazırlıq və iri büdcəsi ilə tanınan ilk Avropa Oyunları başa çatdıqdan sonra diqqət, Azərbaycanın iqtisadi vəziyyətindədir.

Bəzi təhlilçilər deyir ki, Azərbaycanın ev sahibliyini etdiyi ilk Avropa Oyunlarının iqtisadiyyata təsiri hələ özünü biruzə verməsə də, fəsadları bir müddətdən sonra görünəcək. Digərləri isə, milli iqtisadiyyatın vəziyyətilə Avropa Oyunları arasında heç bir əlaqə görmür.

İlk dəfədir Azərbaycanda keçirilən #Baku2015 Avropa Oyunları 12-28 iyun tarixində Bakıda baş tutub. Bazar ertəsi, gənclər və idman naziri Azad Rəhimov bildirib ki, Oyunların ümumi büdcəsi 960 milyon manat olub.

Müdafiə Nazirliyinin rəhbərliyi cəbhədəki hərbi hissələrdə olub

 Müdafiə Nazirliyinin rəhbərliyi ön xətdə yerləşən hərbi hissələrdə düşmənlə üz-üzə səngərlərdə döyüş növbəsi çəkən şəxsi heyətlə görüşüb, onların sosial-məişət şəraiti ilə maraqlanıb, Silahlı Qüvvələr Günü münasibəti ilə təltif olunan hərbi qulluqçulara fəxri fərmanlar və qiymətli hədiyyələr təqdim ediblər.   

Nazirlikdən Teleqraf.com-a verilən məlumata görə, düşmənlə təmas xəttində yerləşən bölmələrdən birində komanda müşahidə məntəqəsinə baş çəkən müdafiə nazirinə ərazidəki əməliyyat şəraiti, müdafiə zolağında həyata keçirilən tədbirlər barədə məruzə edilib. 

Etirazlar Ermənistana nə vəd edir?

Rövşən Rzayev: “Sərkisyan rejimi birmənalı şəkildə devriləcək”

Əvəz Həsənov: “Burada müəyyən qədər Köçəryanın maraqları görünür”

 Ermənistanda elektrik enerjisinin istehlak qiymətlərinin artırılması əhalinin ciddi narazılığına səbəb olmaqla yanaşı, həm də etiraz aksiyalarının dayanmadan davam etməsinə gətirib çıxarıb. 

 Amma əhalini birdən-birə küçələrə çıxmağa vadar edən, həqiqətənmi, elektrik enerjisinin qiymətinin artımı oldu? 

Ölkədə qaçqınlarla bağlı bir sıra statuslar ləğv olundu Mənbə : İslamazeri

Nazirlər Kabineti “Qaçqın və məcburi köçkünün (ölkə daxilində köçürülmüş şəxsin) statusunu almış şəxslərin iş və ya yaşayış yeri əldə edənədək xüsusi ayrılmış yerlərdə yaşamaq Qaydası”nın, “Qaçqın statusu verilməsi haqqında ərizə təqdim etmiş şəxslərin qaçqın statusu verilməsi məsələsi həll edilənədək müvəqqəti yerləşdirmə məntəqəsində verilmiş yaşayış yerindən istifadə etmək Qaydası”nın təsdiq edilməsi haqqında qərarında dəyişiklik edib.

Qarabağda müharibə başlasa, kim məşğul olacaq? - ABŞ-ın diplomatı sensasion fakt açıqladı

2010-2013-cü illərdə ABŞ-ın Macarıstanda fövqəladə və səlahiyyətli səfiri olmuş Eleni Kunalakis yazdığı "Madam səfir” adlı memuarında azərbaycanlı hərbiçi Ramil Səfərovun azad olunması ilə bağlı prosesə də toxunub.

Strateq.az bildirir ki, yazdığı bu memuarda eks-səfir Macarıstanda hakimiyyətdə olan baş nazir Viktor Orbanın fəaliyyətini tənqid edib və onu ölkədə "avtokratiya təhlükəsi” yaratmaqda ittiham edib. Daha sonra səfir macar hakimiyyətinin  2012-ci ildə Büdapeşt məhkəməsinin qərarı ilə ömürlük azadlıqdan məhrum edilmiş azərbaycanlı hərbiçi Ramil Səfərovun Macarıstandan eksdradisiyası qərarına  ABŞ-ın münasibətini ifadə edən maraqlı detalı açıqlayıb.

Rusiya Qarabağı Azərbaycana belə qaytaracaq

“Mən hesab etmirəm ki, rəsmi Bakı ilə Moskvanın yaxınlaşması Qarabağ münaqişəsinin həllinə dramatik təsir göstərə bilər. Amma hadisələrin inkişafının bir ssenarisi – Bakının Moskvanın sputniki olmaq istəməsi variantı istisna olunmaqla. Belə olarsa, Moskva işğal olunmuş rayonları Azərbaycana, necə deyərlər, gümüş nəlbəkidə qaytaracaq”.

Erməni deputat rusiyalı deputatı Qarabağı onlardan... almağa çağırdı

Əgər Rusiya Federasiyası Dövlət Dumasının deputatı bəyan edirsə ki Qarabağı Azərbaycana qaytarmaq lazımdır, onda qoy gəlməyə və onu götürməyə cəhd eləsin”.

Virtualaz.org saytı erməni KİV-lərinə istinadən bildirir ki, bunu Ermənistan parlamentində keçirdiyi brifinqdə “Daşnaksütyun” fraksiyasının katibi Arvan Vardanyan Rusiya-Azərbaycan parlamentlərarası dostluq qrupunun həmsədri, Dövlət Dumasının deputatı Dmitri Savelyevin bəyanatını şərh edərkən deyib.

Milli Məclisin deputatları Avropa Parlamenti ilə bağlı bəyanat verdilər (MƏTN)

Milli Məclisin bir qrup deputatı iyunun 10-da Avropa Parlamentində keçirilmiş dinləmələrlə bağlı bəyanat verib. Musavat.com bəyanatın mətnini təqdim edir:

"Biz, Azərbaycan Respublikası Milli Məclisinin bir qrup deputatı “Bakı-2015” birinci Avropa Oyunları ilə bağlı 2015-ci il iyunun 10-da Avropa Parlamentində keçirilmiş dinləmələri Avropa Parlamentinin sədri cənab M.Şults və sədr müavini xanım U.Lunaçek başda olmaqla bəzi siyasi qruplar tərəfindən ölkəmizə qarşı aparılan qərəzli və məqsədyönlü kampaniyanın davamı kimi qiymətləndiririk. Artıq neçənci dəfədir ki, həmin qrupların guya Azərbaycanda insan hüquqlarının pozulmasına dair qondarma problemi müxtəlif bəhanələr altında inadla və məqsədyönlü şəkildə gündəliyə gətirməyə çalışdıqlarının şahidi oluruq. Bu dəfə Azərbaycanı nüfuzdan salmaq üçün Avropa idman hərəkatının tarixində yeni mərhələ açacaq möhtəşəm idman tədbirinə istinad edilməsi yalnız təəssüf hissi doğurur.

AÇIQLAMA: “Azərbaycan bunu edəcəksə, Qarabağ problemi həll ediləcək”

"Beynəlxalq Avrasiya Hərəkatı"nın lideri, Rusiyanın başqa ölkələri hədəfə alan xarici siyasətinin alovlu tərəfdarı, Aleksandr Duqin Azərbaycanın Avrasiya İqtisadi İttifaqına üzvlüyü perspektivini şərh edib.

Modern.az saytının verdiyi xəbərə görə Aleksandr Duqin Ermənistan mətbuatına müsahibəsində deyib ki, Azərbaycanın Avrasiya İttifaqına girərsə, bu, tamamilə düzgün addım olar. 

Ekspertin fikrincə, Azərbaycan Avrasiya İttifaqına daxil olacağı təqdirdə, Dağlıq Qarabağ münaqişəsinin həlli tam başqa məna kəsb edəcək:
“Məsələn, Türkiyə və NATO üzvü olublar və ortada hələ də Kipr problemi var. Əslində bu,  Qarabağ məsələsində real irəliləyişi qeyd etmək üçün əsas vasitədir  ”,-deyə belə müqayisə aparıb.

Со временем возможности Track-2 сужаются

Многие сейчас утверждают, что Минский процесс вместе с Мадридскими принципами зашел в концептуальный тупик. Говорится также о необходимости переформатирования или обновления этого процесса. В последнее время я тоже часто касаюсь этой темы: по мере углубления негативных отношений между двумя конфликтующими сторонами и затруднениями в нахождении ими путей решения всегда начинают обвинять третью сторону.

Əvəz Həsənov: Oyunları inkar etsəydilər, komandalarını göndərməzdilər

QHT-lərin müraciətində qeyd olunub ki, beynəlxalq təşkilatların Avropa Oyunlarına qarşı apardığı kampaniya nəticəsiz qalır.

BAKI, 2 iyun – Sputnik. “Avropa oyunları ilə bağlı dövlətlər səviyyəsində Azərbaycana qarşı hər hansı sistemli təsir kampaniyasından söhbət belə getmir. Çünki, hər hansı dövlət bu oyunları inkar etmiş olsaydı, öz komandasını bura göndərməkdən imtina edərdi.”

Səfir: Fransa Dağlıq Qarabağın separatçı rejimini dəstəkləmir (ƏLAVƏ OLUNUB)

"Fransa Azərbaycanın işğal altında olan Dağlıq Qarabağ bölgəsinin separatçı rejimini dəstəkləmir. Eyni zamanda, Paris bu rejimin nümayəndələrinin Fransaya səfərinə nəzarət edə bilmir".

Trend-in məlumatına görə, bunu Fransanın Azərbaycandakı səfiri Paskal Mönye jurnalistlərə deyib.

Azərbaycan xarici işlər nazirinin müavini Xələf Xələfovdan etiraz notasını qəbul etdiyini və dərhal öz ölkəsinə təqdim etdiyini bildirən diplomat qeyd edib: “Son illər Fransa Dağlıq Qarabağ münaqişəsinin nizamlanması üçün bir çox addımlar atıb. Bunu unutmaq olmaz.

Hüquq müdafiəçisi: Azərbaycan "zəif bənd"dən güclü dövlətə çevrilib

Azərbaycan inkişaf etdikcə bəzilərinin gözü bunu götürmür. Çünki güclü Azərbaycan bu bölgədə heç kimə lazım deyil. Azərbaycan həm Rusiya, həm İran, həm də Avropa ölkələrinə boru kəməri üçün lazımdır. Onlara “zəif bənd” lazımdır ki, bu bənddən istifadə etsinlər, Azərbaycan məhsulları ən ucuz şərtlərlə Avropa bazarlarına getsin. Lakin Azərbaycanda son 15 ildə aparılan siyasət ona gətirib çıxarıb ki, ölkə özünü “zəif bənd” obrazından çıxarıb güclü dövlətə çevirə bilib.

Trend-in məlumatına görə, bunu “Humanitar Tədqiqatlar" İctimai Birliyinin sədri Əvəz Həsənov Azərbaycanın nüfuzlu hüquq müdafiəsi təşkilatlarının rəhbərlərinin iştirakı ilə ilk Avropa Oyunları ilə bağlı keçirilən "dəyirmi masa"da bildirib.

Riqa sammitindən ölkələrin gözləntiləri: Azərbaycan tələsmir - AÇIQLAMA

Riqada IV Şərq Tərəfdaşlığı sammiti öz işinə bu gün axşamdan başlayır. Avropa İttifaqı və Şərq Tərəfdaşlığı proqramı ölkələrinin dövlət və hökumət başçıları bağlı qapılar arxasında keçəcək təntənəli şam yeməyində bir araya gələcəklər. Sammitin rəsmi hissəsi isə mayın 22-də Milli Latviya Kitabxanasının binasında baş tutacaq. Sammit iştirakçıları Şərq Tərəfdaşlığı proqramının həyata keçirilməsi, eləcə də onun inkişaf perspektivlərini müzakirə edəcəklər. Riqa sammitində Belorus prezidenti Aleksandr Lukaşenko, Azərbaycan dövlət başçısı  İlham Əliyev, eləcə də 3 Avropa Birliyi ölkəsinin – İrlandiya, İspaniya və Luksemburqun prezidentləri sammitə qatılmamaq qərarını veriblər. 

OBYEKTİVDƏ: Atəşkəsin 21 ili

"Ermənistandakı rejimin mövcudluğunda Rusiyanın böyük rolu var"

Əli Həsənov: "Kəlbəcərdə girov götürülmüş Dilqəm Əsgərov və Şahbaz Quliyev mütləq azad ediləcək"

“ATƏT-in Minsk Qrupunun həmsədrləri olan üç dövlət son 20 ildə Dağlıq Qarabağmünaqişəsinin həlli istiqamətində heç bir addım atmayıblar. Mən doğma torpaqlarımızın işğalına son qoyulmayınca, torpaqlarıma qayıtmayınca, Minsk Qrupunun həmsədri olan dövlətlər barədə tənqidlərimə son qoymayacağam. Nə üçün biz bunları deməməliyik?”

Azərbaycan Xarici İşlər Nazirliyi Dağlıq Qarabağda “seçkilər”lə bağlı xəbərdarlıq yayıb

Azərbaycan Xarici İşlər Nazirliyi xəbərdarlıq edib ki, Dağlıq Qarabağda saxta “parlament seçkiləri”ndə “müşahidəçilər”in iştirakı Azərbaycan qanunlarının pozulması kimi qiymətləndiriləcək.

Xarici İşlər Nazirliyinin mətbuat xidmətinin rəhbəri Hikmət Hacıyevin sözlərinə görə, Azərbaycanın Ermənistan tərəfindən işğal edilmiş ərazilərində yaradılmış qondarma rejimə qanunsuz “parlament seçkiləri”nin keçirilməsi Azərbaycan Konstitusiyası, qanunları və beynəlxalq hüququn norma və prinsiplərinin kobud şəkildə pozulmasıdır. Bu qanunsuz seçkilər ilə əlaqədar Azərbaycan Xarici İşlər Nazirliyi tərəfindən 27 fevral 2015-ci il tarixində bəyanat verilib.

ABŞ Qarabağdakı “seçkiləri" tanımır

ABŞ hakimiyyəti mayın 3-də Dağlıq Qarabağda keçiriləcək “parlament seçkiləri”ni tanımağa hazırlaşmır.

Virtualaz.org "RİA Novosti"-yə istinadən bildirir ki, bunu ABŞ-ın xarici siyasət idarəsinin rəsmi nümayəndəsi Ceff Ratke deyib.

“ABŞ Dağlıq Qarabağı müstəqil suveren dövlət kimi tanımır. Bununla əlaqədar olaraq biz 3 may "seçkiləri"nin nəticələrini tanımayacağıq”, - deyə Ceff Ratke xüsusi vurğulayıb.

Həmsədrlər Dağlıq Qarabağ ermənilərini niyə "xalq" adlandırdı? - AÇIQLAMA

Ötən gün ATƏT-in Minsk qrupunun həmsədrləri bəyanat yayaraq Dağlıq Qarabağda keçirilən “parlament seçkiləri”ni tanımadıqlarını bəyan ediblər. Lakin Həmsədrlər çıxışlarında istifadə etdikləri “Dağlıq Qarabağ xalqı” ifadəsi isə göstərdikləri mövqeyə kölgə salıb.

Necə olar bilər ki, tanınmamış rejimin əhalisi xalq adlandırılır?

Əvəz Həsənov: Beynəlxalq humanitar təşkilatlar məcburi köçkün qəsəbələrinə buraxılmalıdır

Humanitar Tədqiqatlar Cəmiyyətinin sədri Əvəz Həsənov Amerikanın Səsinə müsahibəsində Dağlıq Qarabağ münaqişəsi nəticəsində doğma yurdlarından didərgin düşmüş məcburi köçkünlər, onların sosial durumu və yeni qəsəbələrə köçürülməsindən danışıb.

Amerikanın Səsi: Məcburi köçkünlərin yerləşdirilməsi ilə bağlı monitorinq aparıbsınız. Vəziyyət necədir?

Əvəz Həsənov: Bizim monitorinqimiz Avropa Birliyi tərəfindən maliyyələşdirilib və iki il davam edib. Biz daha çox yeni salınmış qəsəbələrə məcburi köçkünlərin yerləşdirilməsi, onların şəraiti, inteqrasiyası ilə məşğul idik. Vəziyyət gözlədiyimiz qədər də acınacaqlı deyil. Hökumət yeni qəsəbələrdə infrastrukturu kifayət qədər bərpa edib və insanları da müəyyən kriteriyalarla oraya köçürə bilib.

---

Amerikanın Səsi: Təqribən nə qədər məcburi köçkün yeni evlərə yerləşdirilib?

Əvəz Həsənov: Dövlətin tam dəqiq statistikası olmasa da, təxminən 200 minə yaxın qeyd olunur. İnidiyədək 17 rayonda 70-dək qəsəbə salınıb və yeni qəsəbələrin əksəriyyəti sərhəd bölgələrdə tikilib.

Amerikanın Səsi: Azərbaycan hökuməti münaqişə nəticəsində bir milyondan çox insanın öz evini tərk etdiyini bildirir. Onlardan nə qədəri yeni qəsəbələrdə yerləşdirilməyib? Onların durumu necədir?

Haradasa 400 min insan üçün mənzil tikməyə dövlət hazır olmalıdır.

Əvəz Həsənov: Yerləşdirilməyənlərin 250 min nəfərə yaxını öz şəxsi mənzillərində, qohum evlərində və ya hökumətin verdiyi mənzillərlə qane olmayaraq özlərinə şəxsi ev tikən insanlardır. Onların böyük əksəriyyəti Bakı və Sumqayıt şəhərlərində yaşayır. Haradasa 400 min insan üçün mənzil tikməyə dövlət hazır olmalıdır.

Amerikanın Səsi: İndiki iqtisadi böhran dövründə bu mümkündürmü?

Yeni tikilən qəsəbələrdə bir mərtəbəli evlərin qiyməti 7-8 min manatdan 30 min manatadəkdir.

Əvəz Həsənov: Məncə evlərin tikilməsi o qədər də baha başa gəlmir. Yeni tikilən qəsəbələrdə bir mərtəbəli evlərin qiyməti 7-8 min manatdan 30 min manatadəkdir. Bununla yanaşı, hökumət məcburi köçkünlər köçürülənədək yaşadığı evləri firmalara da sata bilər.

Amerikanın Səsi: Çoxsaylı insanların evləri, mülkiyyəti erməni qoşunlarının nəzarətində olan ərazilərdə qalıb. Bununla bağlı monitorinq aparmaq mümkündürmü?

Bunun üçün gərək Ermənistan da monitorinq aparan təşkilatın mandatını tanısın və informasiyasını qəbul etsin.

Əvəz Həsənov: Ciddi monitorinq aparmaq üçün gərək Azərbaycan hökuməti onların mandatını qəbul etsin. Bunun üçün gərək Ermənistan da monitorinq aparan təşkilatın mandatını tanısın və informasiyasını qəbul etsin. Eyni zamanda Ermənistan tərəfdə monitorinqi aparacaq partnyor olmalıdır. Məncə indiki mərhələdə bu çox çətindir. Çünki hər bir tərəf öz iddiasını ortaya qoyur, amma o iddianı sənədləşdirmək mümkün reyil.

Amerkanın Səsi: Siz görüşdüyünüz məcburi köçkünlərə öz evlərinə qayıtmaq fikrindədirmir? Yoxsa məkunlaşdığı ərazidə qalmaq istəyirlər?

Əvəz Həsənov: Məcburi köçkünlər şəhərlərdə daha çox yaşayanda onlar inteqrasiya olunmuş sayılır. Onlar öz doğma evləri barədə ola bilsin o qədər də yaxşı düşünə bilmirdilər. Həmin köçkünlər indi sərhədə yaxın ərazilərə köçürülüb, orada artıq izolyasiya olunmuş durumdadır. Onların böyük əkəriyyəti öz torpaqlarına qayıtmaq fikrindədir. Çünki onların əvvəl yaşadıqları ərazilər daha konfortludur.

Amerikanın Səsi: Beynəlxalq təşkilatların məcburi köçkünlərin hüquqlarının müdafiəsi ilə bağlı apardığı işlər sizi qane edirmi?

Hökumət də şərait yaratsa, beynəlxalq təşkilatlar gələr və gedib orada köçkünlərlə vasitəçisiz görüşər, proqramlar icra edər.

Əvəz Həsənov: Yox, qane etmir. Azərbaycanda 2003-ci ildən bu yana beynəlxalq təşkilatların humanitar yardım və ya humanitar proqramları başa çatıb. Azərbaycan inkişaf proqramına qədəm qoyub. Məncə Azərbaycanın dövlət proqramı ilə yanaşı, beynəlxalq təşkilatların da məcburi köçkün qəsəbələrinə girişini təmin etməlidir ki, insanlar məcburi köçkün qəsəbələrinə getsin, onların problemləri ilə maraqlansın və onların hüquqlarının təminatçısı olsun. Beynəlxalq təşkilatların məcburi köçkün qəsəbələrinə çıxışı az olduğundan onlar da bu vəzifəni icra etmir. Hökumət də şərait yaratsa, beynəlxalq təşkilatlar gələr və gedib orada köçkünlərlə vasitəçisiz görüşər, proqramlar icra edər. Bu halda beynəlxalq təşkilatlar məcburi köçkünlərin hüquqlarının qorunmasında maraqlı olacaq.

 http://www.amerikaninsesi.org/content/evez_hesenov/2744327.html

Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzinin təşkilatçılığı ilə Bakıda işinə başlayan III Qlobal Bakı Forumunun giriş sessiyası ilə işini davam etdirib. 

Komitənin mətbuat xidmətindən “Qafqazinfo”ya daxil olan xəbərə görə, Boliviyanın sabiq Prezidenti Jorge Quiroqanın moderatorluğu ilə keçən panel iclasında “Yeni dünya düzəninin başlıca problemləri” müzakirə edilib. Sessiyada Türkiyənin 11-ci prezidenti Abdullah Gül, Kanadanın keçmiş Baş naziri Jan Kretien, Nigeriyanın eks-prezidenti Olusegun Obasanjo, Yunanıstanın keçmiş Baş naziri George Papandreou, Sloveniyanın sabiq prezidenti Danilo Türk, Ərəb Liqasının sabiq baş katibi Əmr Musa çıxış edib. 

Hollande və Əliyev Dağlıq Qarabağ tənzimləməsini “müzakirə ediblər”

Görüş barədə rəsmi məlumatda Fransa və Azərbaycan liderləri arasında Dağlıq Qarabağ münaqişəsilə ilə bağlı fikir mübadiləsinin aparıldığı bildirilir.

"Azərbaycan Prezidenti İlham Əliyev Fransa Prezidenti Fransua Ollandın münaqişənin həlli istiqamətində göstərdiyi fəallıqdan məmnunluğunu ifadə etdi", - prezident administrasiyasının yaydığı xəbərdə deyilir.

“Çıxış yolu yalnız dialoqdur” – AŞPA sedri

Avropa Şurası Parlament Assambleyasının (AŞPA) yaz sessiyasının birinci iş günündə qurumun sədri xanım Ann Brassör jurnalistlərə sessiya ərzində müzakirə ediləcək əsas məsələlər haqqında məlumat verib.

APA-nın Avropa bürosunun xəbərinə görə, AŞPA rəhbəri son zamanlar Avropaya üz tutan qaçqınların vəziyyətinə və aprelin 19-da Aralıq dənizində 700 nəfərə yaxın insanın batmasına toxunub.

“Azərbaycanın və Ermənistanın barmaqları tətikdədir”- Qərbli ekspert Qarabağdan yazdı

“Tammiqyaslı müharibə hətta tərəflər onu etmək istəməsələr də baş verə bilər”

ABŞ mətbuatında silahlı münaqişə və müharibələr barədə maraqlı təhlilləri ilə tanınan, jurnalist və hərbi ekspert Jack Mulcaire nüfuzlu “The National Interest” jurnalında yazır ki, Ukraynadan tutmuş Nigeriyayadək diplomatiya silahlı münaqişələr qazanının qapağını bağlı saxlamağın öhdəsindən zorla gəlir. Onun fikrincə, sabahkı müharibələri bu gün öncədən görmək üçün narahat məkanlara diqqət yetirmək lazımdır.
“Bu mənada oxucuların diqqətini 2015-ci ilin yatmaqda olan qaynar nöqtəsinə Dağlıq Qarabağa çəkmək istərdim” – yazır Jack Mulcaire.
Qarabağ müharibəsinin qısa tarixçəsini verdikdən sonra müəllif belə bir sual edir: Dağlıq Qarabağı xüsusilə təhlükəli edən nədir?

Bakı Rusiyanın Beeline şirkətinə xəbərdarlıq edib

Azərbaycan Rusiyanın Beeline telekommunikasiya şirkətini Dağlıq Qarabağ ərazisində fəaliyyəti ilə Beynəlxalq Telekommunikasiya İttifaqının qayda və təlimatlarını ciddi şəkildə pozmaqda günahlandırır.

Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev Rusiyanın Beeline şirkətinin artıq uzun müddət ərzində Azərbaycan Respublikasının işğal olunmuş ərazilərində qeyri-qanuni fəaliyyət göstərən Karabakh Telecom ilə əməkdaşlığı ciddi narahatlıq doğurduğunu bildirib.

Əvəz Həsənov: “Sonuncu yol girovluqdakı vətəndaşları millətin yolunda özünü fəda vermiş insanlar elan edib, onları rəmzə çevirməkdir” - MÜSAHİBƏ

Azərbaycan son aylarda erməni girovluğuna düşən vətəndaşları Dilqəm Əsgərov və Şahbaz Quliyevi hələ ki, xilas edə bilmədi. Uydurma “DQR” də qurulan məhkəmə məzhəkəsində onlara müvafiq olar ömürlük və 22 il həbs oxundu. Bəzi ekspertlərimiz bu məsələdə hökuməti ittiham edərək vurğulayır ki, əslində girovlarımızla bağlı zamanında adekvat addımlar atılsaydı, onları tezliklə azad etmək olardı. Lakin göründüyü kimi belə olmadı. İndi düşündürücü məqamlardan biri də budur ki, bundan sonra necə, onları xilas etmək üçün çıxış yolları varmı?

Azərbaycanda islahatlar "mütləq keçirilməlidir"

Dünya bazarında neft qiymətlərinin uzun müddət aşağı qalması iqtisadiyyatı neftdən asılı olan ölkələrdə, o cümlədən Azərbaycanda büdcə xərclərinə yenidən baxılmasını gündəmə gətirib.

Bu isə, öz növbəsində, xərclərin səmərəliliyi və struktur islahatlarının aparılması barədə yeni suallar ortaya qoyur.

BBC Azərbaycancaya danışan təhlilçilər yeni sualların cavabı kimi dövlət qurumlarının sayının azaldılmasını labüd hesab edirlər.

Millət vəkili Vahid Əhmədov deyir ki, Azərbaycanda struktur islahatları "mütləq" keçirilməlidir.

"... Dövlət büdcəsindən maliyyələşən nazirliklərin, komitələrin, şirkətlərin sayı həddən artıq çoxdur. Bunları kəskin azaltmağa ehtiyac var...bilirsiniz, dünyada neftin qiyməti kəskin aşağı düşüb, dövlət büdcəsinə daxilolmalarda problemlər var. Müəyyən qurumlar ya birləşdirilməli, ya da tamamilə ləğv edilməlidir", - cənab Əhmədov deyir.

Əvəz Həsənov: “Azərbaycan BMT-yə vaxtında üzv olduğuna görə SSRİ-nin dağıntıları onu tam məhv edə bilmədi”

Azərbaycanın BMT-yə üzv qəbul olunmasından 23 il keçir. 1992-ci il martın 2-də BMT Baş Assambleyasının 46-cı sessiyasında Azərbaycanın təşkilata üzv qəbul edilməsi haqqında qətnamə qəbul olunub. BMT Təhlükəsizik Şurası 1993-cü ildə Dağlıq Qarabağ münaqişəsinə dair 822, 853, 874, 884 saylı qətnamələr qəbul edib. Bu qətnamələr Azərbaycanın ərazi toxunulmazlığını yenidən təsdiqləyərək, dərhal atəşkəs elan olunması, hərbi əməliyyatlara son qoyulması və işğalçı qüvvələrin Azərbaycan torpaqlarından çıxarılmasını tələb edir. 

Xocalı Avropa Parlamentinin diqqətində – GÜNDƏM

Bəyannamə Avropa Parlamentinin 751 millət vəkilinə ünvanlanıb

Benilüks Azərbaycanlılar Konqresi Xocalı soyqırımının 23-cü ildönümü ilə əlaqədar Avropa İnsitutlarının rəhbərlərinə və Avropa Parlamentinin 751 millət vəkilinə ünvanlanmış Bəyannamə qəbul edib.

Diasporla İş üzrə Dövlət Komitəsindən ANS PRESS-ə verilən məlumata görə, bəyannamədə Avropa parlamentlərinin, beynəlxalq təşkilatların və dünya ictimaiyyətinin diqqətinə çatdırılır ki, 1992-ci il fevralın 25-dən 26-na keçən gecə Ermənistan hərbi birləşmələri tərəfindən Azərbaycanın Dağlıq Qarabağ bölgəsinin Xocalı şəhərində törədilmiş kütləvi qırğın ən ağır cinayətlərdən biridir: “Bir gecədə şəhərin əksəriyyəti yaşlı, uşaq və qadın olan 613 dinc sakininin vəhşiliklə qətlə yetirilməsi XX əsrin ən dəhşətli faciəsidir”.