понедельник, 29 декабря 2014 г.

"Xədicə İsmayılın elədikləri insanlığa sığan iş deyil" - BRİFİNQ

"Brifinq"də konfliktoloq, Humanitar Tədqiqatlar Cəmiyyətinin direktoru, hüquq müdafiəçisi Əvəz Həsənovdur. Ə.Həsənov bərpa olunan İnsan hüquqları məsələləri üzrə Birgə İşçi Qrupun fəaliyyətindən danışdı, dekabrın 31-i ərəfəsindən gözlənilən əfv fərmanı ilə bağlı gözləntiləri söylədi. Dəfələrlə Qarabağa səfər etmək imkanı qazanan konfliktoloq orada keçirdiyi hissləri bölüşdü. O, Qarabağda yaşayan azərbaycanlılar barədə bəhs etdi. İxtisasca kinossenarist olan Ə.Həsənov xoşladığı musiqilər, səfər etdiyi ölkələrdən də danışdı.

четверг, 11 декабря 2014 г.

Əvəz Həsənov: "Qərb Rusiya cəmiyyətini təkbaşına Putin adminstrasiyası ilə buraxmaq fikrində deyil”

 Noyabrın 27-28-də Avropa Şurasının baş katibi Tyorbyörn Yaqland Rusiya Federasiyasında səfərdə olacaq. Bu barədə qurumun mətbuat xidməti məlumat yayıb.

Səfər zamanı baş katib Rusiyanın xarici işlər naziri Sergey Lavrov və digər rəsmi şəxslərlə görüşlər keçirəcək. Mövzu ilə bağlı Deyerler.org-a fikirlərini bölüşən hüquq müdafiəçisi Əvəz Həsənov deyib ki, Qərb Rusiyanın iqtisadi sanksiyalarla kifayət qədər sıxışdırıb: “Qərb Rusiyaya özünün sərt siyasəti müqabilində hansı qiymətin verilməsini göstərmək istəyir. Rusiya Ukrayna ilə bağlı Qərbin bütün dəyərlərinə etinasız yanaşması Qərbi çox əsəbləşdirir. Bu baxımdan Qərb iqtisadi sanksiyalarla Rusiyanı çox ciddi bir imtahana çəkib.

Beynəlxalq toplantılarda Dağlıq Qarabağ müzakirəsi


https://www.youtube.com/watch?v=YWdAKIT2T_E#t=28

воскресенье, 23 ноября 2014 г.

Əvəz Həsənov Batumidən Bakıya səsləndi...

Moderator.az  Batumi şəhərində Avropa Şərq Tərəfdaşlığı Vətəndaş Cəmiyyəti Forumunda iştirak edən Humanitar Tədqiqatlar Cəmiyyətinin direktoru Əvəz Həsənov ilə forumda baş verənlər ilə bağlı vəziyyəti öyrənmək üçün əlaqə yaradıb. 
Ə.Həsənov müxbirimizə bildirib ki, dünən forumun açılışı zamanı Çexiyalı təşkilatın təşəbbüsü ilə Azərbaycanda siyasi məhbuslar problemi ilə bağlı sərgi təqdim olunmasına Azərbaycan nümayəndə heyyəti etiraz etdi və təşkilatçılar sərgini yığışdırmalı oldular. 
Bundan sonra yaranmış münaqişənin aradan qaldırılması üçün forum rəhbərliyi və katiblik ilə əlaqə yaradıldı. Bu gün isə Azərbaycanla bağlı iki bəyanatın gündəliyə salınmasına baxmayaraq nümayəndə heyyəti yekdilliklə bu bəyanatların indiki halda yersiz olduğunu əsas gətirirək onları gündəlikdən çıxardılar. 

The two sides of the Karabakh coin. Dennis Sammut reflects on two events that highlighted the opposite ends of the NK conflict.

Dennis Sammut reflects on two events that occurred last week that highlighted the opposite ends of the situation around the Nagorno-Karabakh conflict.
Last week two events happened, thousands of miles apart from each other, but both related to the situation around the Nagorno-Karabakh conflict. In their own way they represented the extreme opposite ends of where the situation around the conflict and its settlement is going, or can go. They reflected the two sides of the same coin.

воскресенье, 16 ноября 2014 г.

Laurence Broers, Əvəz Həsənov və Richard Giragosian Mi-24 helikopterinin vurulmasını şərh edirlər

Noybarın 12-də Dağlıq Qarabağ üzərində ermənilərin Mi-24 helikopterinin vurulması geniş reaksiya doğurub. Beynəlxalq qurumlar gərginliyin artdığı şəraitində hər iki tərəfi təmkinli olmağa çağırıblar. BBC-ə danışan şərhçilər hadisənin mümkün fəsadları barədə mülahizələrilə bölüşüblər.

четверг, 13 ноября 2014 г.

Avropa və ABŞ Azərbaycan və Ermənistanı təmkinli olmağa çağırır

Çərşənbə günü Azərbaycan hava məkanını pozduğunu dediyi və "Ermənistan Respublikası Silahlı Qüvvələrinə" məxsus hərbi helikopteri vurduqdan sonra beynəlxalq qurumlar hər iki tərəfi təmkinli olmağa çağırıblar.
Münaqişənin həllində vasitəçi olan Minsk Qrupu Həmsədrləri təmas xəttində helikopterin vurulması barədə "çox ciddi narahatlıq" keçirdiyini bildirib. "Həmsədrlər bu insidentə səbəb olan hadisələr barədə dərin narahatdırlar", bəyanatda deyilir.
Amerikalı həmsədr James Warlick isə öz Twitter səhifəsində yazıb: "Dağlıq Qarabağda daha geniş münaqişə heç kimin marağında deyil. Tərəflər vəziyyətin gərginləşməsinə imkan verməməli və müharibədən bir variant kimi imtina etməlidirlər".

воскресенье, 2 ноября 2014 г.

Azərbaycan və Ermənistan Paris danışıqlarını niyə müsbət qarşılayıb?

Təhlilçilər Azərbaycan və Ermənistan prezidentlərinin Fransanın vasitəçiliyi ilə Paris görüşünün müsbət nəticələrindən danışarkən əsir, itkin düşmüş girovların qaytarılması ilə bağlı anlaşmanın əldə olunmasını qeyd edirlər.
BBC Azərbaycancaya danışan bəzi azərbaycanlı politoloqların fikrincə siyasi bəyanatların ardınca böyük sülh sazişinin hazırlanacağı gözləniləndir, bəzi ekspertlər isə görüşdə heç bir müsbət məqamın olmadığını düşünür.
Erməni politoloqlar Paris görüşünü şərh edərkən görüşün müsbət məqamı kimi “ən pis sülh hərbdən yaxşıdır” prinsipi baxımından nəzərdən keçirirlər.
Ermənistanda yerləşən “Avropa inteqrasiyası” ictimai təşkilatının rəhbəri Karen Bekaryanın BBC Azərbaycancaya dediyinə görə, “bu, təmas xəttində gərginliyin səngiməsini ehtimal etməyə ümid verir”.
Lakin o, Qarabağ problemi üzrə Qarabağ nümayəndələrinin iştirak etmədiyi istənilən danışıqların “heç bir nəticə verməyəcəyinəəmin olduğunu bildirir: “Parisdə isə bu məsələyə heç bir əhəmiyyət verilməyib”.

суббота, 1 ноября 2014 г.

20 ildi “öldüsü-qaldısı” bilinməyənlər

“Oğlum Vahid Balaca oğlu Əliyev 1993-cü ildə itkin düşüb. Cəbraylın Sirik kəndində ətrafında döyüşə girib, gerisindən xəbər yoxdu. Onunla bərabər daha 2 nəfər əsgərimiz döyüşüb. Onların hər ikisinin öldüyü təsdiqləndi, ancaq oğlumdan xəbər çıxmadı. Az sonra bizə ermənilər tərəfdən xəbər gəldi ki, Vahid sağdı, yaralıdı, Stepanakertdə hospitalda yatır. O vaxtı getdik, erməni komandirlə əlaqə yaratdıq. Şərt qoydular ki, bizimkilər heyvanlarla bərabər girov götürdükləri Surik adlı çobanı tapıb onlara təhvil versə oğlumu sağ qaytaracaqlar. Amma biz o çobanı tapa bilmədik. Sonra da Cəbrayıl işğal olundu. Ara qarışdı, qaçhaqaç düşdü, heç bir əlaqə yarada bilmədik”, – Balaca Əliyev danışır.

пятница, 31 октября 2014 г.

Mingəçevirdə məcburi köçkünlər üçün qəzet nəşr ediləcək

Təhsildən “azad olanlar”


“Müharibə başlasa da, məktəbə gedib-gəlirdik. Adi günlərdən biriydi. Yox, adi gün deyildi. 1992-ci il, 26 fevral, çəənbə günüydü. Xocalı faciəsi baş verən gecənin səhəri. Məktəbdə bütün dərslər boşuydu. Müəllimlərimiz iclasdaydılar. İkinci dərs vaxtı bütün müəllimlər ağlaya-ağlaya otaqdan çıxdılar. Bizə dedilər ki, gecə çox pis hadisə olub. Tez gedin evə, çantalarınızdan kitablarınızı boşaldıb, qalın paltarlar və buterbrodlar doldurun. Gücünüz çatacaq qədər. Çox ağır eləməyin. Evdə sizi gözləyirlər”.

22 ildir Bakıda məcburi köçkünlük həyatı yaşayan Vüsalə Məmmədova danışır. O, Ağdam şəhərində dünyaya gəlib. Qarabağ müharibəsi başlayanda 9-cu sinifdə oxuyurmuş. Böyük bacısı Səadətlə birgə. Kiçik bacısı Şəbnəm isə 5-ci sinifdəymiş.

воскресенье, 12 октября 2014 г.

Azərbaycanda Məcburi Köçkünlərlə iş şəbəkəsi üzvləri üçün təlim

11-12 Oktyabr 2014-cü il tarixdə Mingəçevir Media mərkəzinin ofisində "Birləşmiş imkanlar" - Azərbaycanda Məcburi Köçkünlərlə iş şəbəkəsinin üzvləri üçün "Məcburi köçkünlərin sosial problemləri üzrə ictimai maraqların müdafiəsi kampaniyası" üzrə təlim keçirildi.

суббота, 11 октября 2014 г.

BMT-nin Qaçqınlar üzrə Ali Komissarlığının sessiyasında Azərbaycanda qaçqın və məcburi köçkün problemindən danışılıb


Cenevrə, 29 sentyabr (AzərTAc). Sentyabrın 29-da Cenevrədə BMT-nin Qaçqınlar üzrə Ali Komissarlığı (BMT QAK) İcraiyyə Komitəsinin 65-ci sessiyası işə başlayıb.

Sessiyada BMT QAK-ın İcraiyyə Komitəsinə üzv dövlətlərin nümayəndə heyətləri, qaçqınlara yardım üzrə beynəlxalq qurumların, regional, donor və BMT-yə tərəfdaş təşkilatların təmsilçiləri iştirak edirlər.

Tədbirdə Azərbaycanı Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun rəhbərliyi ilə nümayəndə heyəti təmsil edir.

Şəbəkənin görüşü

“Birləşmiş imkanlar” - Azərbaycanda Məcburi Köçkünlər üzrə iş Şəbəkəsinin üzvləri üçün ictimai maraqların müdafiəsi üzrə təlimdə Mingəçevir işıqları qəzetinin redaktoru Fərman Nəbiyevin təqdimatı

суббота, 27 сентября 2014 г.

Məcburi köçkünlər yeni şəhərciyə köçürülür



Məcburi köçkünlər aldıqları evləri sata bilərmi?

Bir nəfər yazırdı ki, məcburi köçkün qohumunun həyat yoldaşı xəstədir və təcili pula ehtiyacı var. Amma işləmədiyi üçün kredit götürə bilmir, borc almağa imkanlı qohumu da yoxdur. Həmin şəxs sual verirdi ki, qanunla qohumu dövlətin ona verdiyi evi satma hüququna malikdirmi? Açığı, bu suala mən də birmənalı cavab verə bilmədim. Həmin şəxs onu da bildirmişdi ki, qohumu evini satma məsələsi ilə bağlı dost-tanışa müraciət etsə də, ona müsbət cavab verən olmayıb. Lakin qohumunun Ermənistandan gələn qaçqın tanışlarından biri ona verilmiş evi satıb: “Ona görə qohumum çaşıb qalıb ki, biz evimizi sata bilərik ya yox”.

пятница, 26 сентября 2014 г.

Məcburi köçkünlər ilə görüş

Sentyabrın 25-də Baş nazirin müavini, Qaçqınların və məcburi Köçkünlərin İşləri üzrə Dövlət Komitəsinin sədri cənab Əli Həsənov Yasamal rayonu ərazisindəki Qanlı göl ətrafında məskunlaşan və sentyabrın 8-də səhər saatlarında Abşeron rayonunun Xırdalan şəhərindəki tikintisi yarımçıq qalmış beşmərtəbəli yaşayış binasında baş vermiş partlayış nəticəsində evləri dağılmış məcburi köçkün ailələri üçün müvəqqəti olaraq ərazidə Fövqəladə Hallar Nazirliyi tərəfindən quraşdırılmış çadırlarda yerləşdirilmiş məcburi köçkünlərlə görüşmüşdür.
Əvvəlcə Qanlı göl ətrafında məskunlaşan məcburi köçkünlərlə görüşən Əli Həsənov bildirmişdir ki, Bakı şəhərinin baş planına əsasən bu ərazinin də tam abadlaşdırılması nəzərdə tutulduğundan burada məskunlaşan məcburi köçkünlər yaxın günlərdə həmin yerdən onlar üçün Yasamal rayonu ərazisində tikilmiş binaya köçürüləcəklər.
Məcburi köçkünlərlə görüşdə həmçinin onların bir sıra problemləri dinlənilmiş, narahatlıq doğura biləcək məsələlərə hərtərəfli aydınlıq gətirilmişdir. Baş nazirin müavini Əli Həsənov bildirmişdir ki, Azərbaycan Respublikasının Prezidenti cənab İlham Əliyev Ermənistan-Azərbaycan, Dağlıq Qarabağ münaqişəsi nəticəsində doğma yurdlarından didərgin düşmüş qaçqın və məcburi köçkünlərə kifayət qədər diqqət və qayğı göstərir, onların problemlərinin həlli istiqamətində ardıcıl olaraq müvafiq qərarlar qəbul edilir. Görüşdə əraziləri işğal olunmuş rayonların İcra Hakimiyyətlərinin başçıları da iştirak etmişlər.

вторник, 23 сентября 2014 г.

“Əsrin Müqaviləsi” qaçqın və məcburi köçkünlərin həyatını necə dəyişdi?

20 sentyabr Azərbaycan tarixində inkişafa doğru atılan addımlar sırasında bir ilkdir. Düz 20 il bundan əvvəl 1994-cü il sentyabrın 20-də Bakıda “Gülüstan” sarayında imzalanan müqavilə öz tarixi, siyasi və beynəlxalq əhəmiyyətinə görə "Əsrin müqaviləsi" adlandırılıb. "Əsrin müqaviləsi"ndə dünyanın 8 ölkəsinin (Azərbaycan, ABŞ, Böyük Britaniya, Rusiya, Türkiyə, Norveç, Yaponiya və Səudiyyə Ərəbistanı) 13 ən məşhur neft şirkəti (Amoko, bp, MakDermott, Yunokal, ARDNŞ, LUKoyl, Statoyl, Ekson, Türkiyə Petrolları, Penzoyl, İtoçu, Remko, Delta) iştirak edib. Bununla da “Yeni neft strategiyası” və doktrinası uğurla həyata keçirilməyə başlanğıcı qoyulub.

Qaçqın və məcburi köçkünlərin sahib olduqları imtiyazlar

Azərbaycan Respublikasında qaçqın və məcburi köçkünlərə göstərilən dövlət qayğısı çərçivəsində, hansı işlər görülüb? Dövlət bu təbəqədən olan vətəndaşlarının sosial rifahının yaxşılaşdırılması məqsədilə nə kimi tədbirlər həyata keçirib. Bu suallara cavab olaraq Qaçqınların və Məcburi Köçkünlərin İşləri üzrə Dövlət Komitəsindən aşağıdakı məlumatı əldə etdik.
Qaçqınların və məcburi köçkünlərin sosial müdafiəsi ilə əlaqədar qəbul edilmiş normativ-hüquqi sənədlər (oktyabr 2003- oktyabr 2008-ci illər):

четверг, 18 сентября 2014 г.

Tələbələrin yataqxana problemi - Məcburi köçkünlər məskunlaşıb



Dərslər başladı, əksər ali məktəb tələbələrinin qayğıları artdı. Qayğıların ən başında isə yaşayış yeri problemi gəlir. Çünki çoxlarının kirayədə qalmağa maddi imkanı yoxdur. Ali məktəblər isə öz tələbələrini yataqxana ilə təmin edə bilmir.

Xarici Dillər Universiteti öz tələbələrinin az bir hissəsinə yataqxana verə bilir. Universitetin mətbuat katibi Zeynəb Kazımova deyir ki, hazırda universitetin 2 yataqxanası var. 

“Lakin onlardan birində məcburi köçkünlər məskunlaşdığından, yalnız digərinə tələbələri yerləşdirə bilirik. Düzdür, o yataqxanada da məcburi köçkünlər məskunlaşıb, amma bir hissəsində bizim tələbələr qalır”.

Z.Kazımova qeyd edib ki, bu yay ərzində yataqxananın tələbələr qalan hissəsi təmir olunub. 

вторник, 9 сентября 2014 г.

Qaçqınların və məcburi köçkünlərin yaşayış şəraitinin və sosial vəziyyətinin yaxşılaşdırılması yeni mərhələyə qədəm qoyub


 Azərbaycan Respublikasının Prezidenti İlham Əliyevin 1 iyul 2004-cü il tarixli sərəncamı ilə təsdiq edilmiş «Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı»nda və həmin proqrama 2007-ci il 31 oktyabr tarixdə, 2011-ci il 21 fevral tarixdə imzalanmış sərəncamlarla təsdiq edilmiş əlavələrdə nəzərdə tutulan işlərin indiki mərhələsi haqqında məlumat almaq üçün Qaçqınların və Məcburi Köçkünlərin İşləri üzrə Dövlət Komitəsinin Sosial təminat və humanitar yardım şöbəsinin müdiri İsbəndiyar Əbdüləzimova müraciət etdik.

- İsbəndiyar müəllim, «Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı»na hesabat nəzəri ilə baxanda hansı mənzərəni görə bilərik? 

вторник, 2 сентября 2014 г.

Qaçqın və məcburi köçkünlər haqda məlumat toplanıb

Azərbaycan Respublikası Xarici İşlər Nazirliyinin Azərbaycan Respublikasının Beynəlxalq İnkişafa Yardım Agentliyi (AIDA) və Azərbaycan Milli Elmlər Akademiyasının İnsan Hüquqları İnstitutu ilə birgə Azərbaycan və Xəzər hövzəsi regionu ilə bağlı elmi tədqiqatların aparılması məqsədilə “Qonaq elmi işçilərin mübadiləsi proqramı” həyata keçirilməkdədir.

AMEA-dan ANS PRESS-ə verilən məlumata görə, 2014-cü ilin III rübü üzrə Litvanın Nikolas Romeris Universitetinin Beynəlxalq və Avropa İttifaqının Hüquq İnstitutunun mütəxəssisi elmi tədqiqatın aparılması məqsədilə İnsan Hüquqları İnstitutunda araşdırma aparıb.

Aparılan elmi araşdırmanın əsas məqsədi erməni işğalı nəticəsində hüquqları pozulan qaçqın və məcburi köçkün düşmüş soydaşlarımız haqda məlumat toplamaq və əldə olunmuş nəticəni beynəlxalq ictimaiyyətə çatdırmaq olub.

вторник, 19 августа 2014 г.

Qaradağ rayonunun Ümid qəsəbəsi ərazisində məcburi köçkünlər üçün yeni yaşayış məhəlləsi istifadəyə verilmişdir

Azərbaycan Respublikası Prezidentinin Sərəncamı ilə təsdiq edilmiş “Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı” və ona edilmiş Əlavələrə uyğun olaraq ötən illər ərzində məcburi köçkün soydaşlarımızın məşğulluq və digər sosial problemlərinin həlli, yaşayış səviyyəsinin yüksəldilməsi, xüsusilə mənzil-məişət şəraitlərinin yaxşılaşdırılması istiqamətində genişmiqyaslı tədbirlərin icrası uğurla davam etdirilmiş və bu gün də davam etdirilməkdədir.

вторник, 22 июля 2014 г.

Azərbaycanlı qaçqın və məcburi köçkünlər məsələsi Avropa Parlamentində müzakirə edildi

Press-reliz: Avropa Azərbaycan Cəmiyyətinin (AAC/TEAS) Belçikadakı nümayəndəliyi və Avropada Gənc Azərbaycanlı Peşəkarlar Assosiasiyası (AYAPE) 20 iyun - BMT-nin Dünya Qaçqınlar Günü münasibətilə tarixi dəyirmi masa təşkil edib ki, bu da Avropa Parlamentində bu tarixin qeyd edildiyi yeganə tədbirdir.

Müzakirələrin moderatoru, Avropa Parlamentinin Almaniyadan olan üzvü Hiltrud Breyer (Yaşıllar Partiyası) Ermənistan-Azərbaycan, Dağlıq Qarabağ münaqişəsinin qurbanları olan 875 min azərbaycanlı qaçqın və məcburi köçkünün davam etməkdə olan acınacaqlı vəziyyətindən söz açıb.

четверг, 17 июля 2014 г.

Qaçqın və məcburi köçkünlərin sosial müdafiəsinin gücləndirilməsi prioritet istiqamətlərdəndir

Torpaqlarımızın ermənilər tərəfindən işğalı nəticəsində 1 milyondan artıq insan qaçqın və məcburi köçkün həyatı yaşayır. Qaçqın və məcburi köçkünlərin sosial müdafiəsinin gücləndirilməsi prioritet istiqamətlərdəndir. Ölkədə qaçqın və məcburi köçkünlərin həyat şəraitinin yaxşılaşdırılması istiqamətində görülən işlər, bu kateqoriyadan olan soydaşlarımızın hər zaman dövlətin diqqət və qayğısı ilə əhatə olunduğunu göstərir. Qaçqınların və məcburi köçkünlərin həyat şəraitinin yaxşılaşdırılması istiqamətində həyata keçirilən siyasətin nəticəsidir ki, 1993-cü ildən başlayaraq ulu öndər Heydər Əliyev tərəfindən bu istiqamətdə 81 fərman və sərəncam imzalanıb. Həmçinin Nazirlər Kabinetinin 307 qərarı var, Milli Məclis tərəfindən 24 qanun qəbul edilib. Həmçinin ötən dövr ərzində bu istiqamətdə Prezident İlham Əliyev tərəfindən 49 fərman və sərəncam imzalanıb. Eləcə də iki dövlət proqramı və onlara edilən əlavələr təsdiq edilib.

четверг, 3 июля 2014 г.

Bələdiyyəsiz məcburi köçkünlər



20 ildir ki, onlar seçki hüququndan məhrumdurlar
2014-cü il Azərbaycanda bələdiyyə seçkiləri ilidi. Qarabağ müharibəsi nəticəsində evlərindən didərgin düşmüş məcburi köçkünlər növbəti dəfə bu seçkilərdən kənarda qalacaqlarından narazıdırlar.

Bələdiyyəsiz məcburi köçkünlər“Məcburi köçkünlərin bələdiyyə seçkilərində iştirakına imkan vermirlər. Sanki, biz bu ölkənin vətəndaşları deyilik”- hazırda Ermənistan silahlı qüvvələrinin nəzarətində olan Qazaxın Barxudarlı kəndindən olan məcburi köçkün Məqsəd Mirzəyev deyir.
Dağlıq Qarabağ və ətraf 7 rayona daxil olmayan Qazaxın Barxudarlı kəndi 1992-ci ildə Ermənistan Silahlı Qüvvələri tərəfindən işğal edilib. Kəndin əhalisi isə Qazax şəhərində məskunlaşmaq məcburiyyətində qalıb.

пятница, 27 июня 2014 г.

Azərbaycanda Məcburi Köçkünlərlə İş Şəbəkəsinin (Birləşmiş imkanlar) 3-cü ümumi toplantısı


İyunun 25-də Beynəlxalq Mətbuat Mərkəzinin mətbuat zalında Azərbaycanda Məcburi Köçkünlərlə İş Şəbəkəsinin (Birləşmiş imkanlar) 3-cü ümumi toplantısı keçirilmişdir.
Sayca üçüncü ümumi yığıncağın iştirakçıları noyabr ayında keçirilən sonuncu toplantıdan sonra şəbəkənin fəaliyyəi ilə bağlı hesabatla tanış olmuş, 2013-cü ilin sonlarında 10 təşkilat tərəfindən icra olunmuş kiçik layihələrin hesabatını dinləmişlər. Toplantıya Azərbaycanda məcburi köçkünlərlə işləyən təşkilatlarla yanaşı, Gürcüstanda fəaliyyət göstərən “Sinergiya” Məcburi Köçkünlər şəbəkəsi, İngiltərənin Barışıq Resursları Təşkilatı və Avropa Birliyinin nümayəndələri də qatılmışdılar.
Bu Humanitar Tədqiqatlar Cəmiyyətinin icra etdiyi, Barışıq Resursları təşkilatı və Avropa Birliyinin maliyyələşdirdiyi “Məcburi köçkünlərə diqqətin artırılması” layihəsinə əsasən Bakıda keçirilən sayca üçüncü görüşdür.

понедельник, 23 июня 2014 г.

Mətbuat üçün açıqlama

İyunun 25-də Beynəlxalq Mətbuat Mərkəzinin mətbuat zalında Azərbaycanda Məcburi Köçkünlərlə İş Şəbəkəsinin (Birləşmiş imkanlar) 3-cü ümumi toplantısı keçiriləcəkdir. Toplantıya Azərbaycanda məcburi köçkünlərlə işləyən təşkilatlarla yanaşı, Gürcüstanda fəaliyyət göstərən “Sinergiya” Məcburi Köçkünlər şəbəkəsi, İngiltərənin Barışıq Resursları Təşkilatı və Avropa Birliyinin nümayəndələri də qatılacaqdır.

пятница, 20 июня 2014 г.

Məcburi köçkünlər Müşfiqabad qəsəbəsinə köçmək istəmir

ANS TV-nin məlumatına görə, Nərimanov rayonu, Koroğlu Rəhimov küçəsi, 824/835 ünvanında yaşayan məcburi köçkünlərin Müşfiqabad qəsəbəsinə köçürülməsi etirazla qarşılanıb. Onlar Mehdiabad qəsəbəsinə köçürülmələrini istəyirlər. Əslində məcburi köçkünlər indi yaşadıqları şəraitdən də narazıdırar. Onların yaaşdıqları yer Milil Elmlər Akademiyasına məxsus Elmi labaratoriya olub. İndi ərazi iş adamı tərəfindən özəlləşdirilib. Elə məcburi köçkünlərin köçürülmə zərurəti də bundan sonra yaranıb. Hazırda ərazinin hasarlanması məcburi köçkünlərin havasızlıq şəraitində yaşaması ilə nəticələnib. Həmçinin otaqlar da dar və şəraitsizdir. İllərdir təmir olunmadığından divarlar uçub-tökülür.

пятница, 30 мая 2014 г.

Azərbaycanda məcburi köçkünlər arasında yoxsulluq həddi son 10 ildə 75 faizdən 15 faizədək azalıb

AZXEBER.COM  APA-ya istinadən xəbər verir ki, bu barədə Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun “Heydər Əliyev və yeni cəmiyyət modeli” konfransı üçün təqdim etdiyi məruzədə qeyd olunub.

Ə.Həsənov bildirib ki, 2013-cü ildə bir məcburi köçkünə xərclənən vəsaitin həcmi təxminən 1100 manat təşkil edib ki, bu da dünyanın digər münaqişə zonaları ilə müqayisədə ən yüksək göstəricidir.

понедельник, 26 мая 2014 г.

BMT İnsan Hüquqları Şurasının məruzəçisi: “Məcburi köçkünlər öz torpaqlarına qayıtmalıdır”

Azərbaycanda səfərdə olan BMT İnsan Hüquqları Şurasının məcburi köçkünlərin hüquqları üzrə xüsusi məruzəçisi Çaloka Beyani Abşeron rayonunun Masazır qəsəbəsində 760 məcburi köçkün ailəsi üçün yeni salınan şəhərciyi ziyarət edib.
 APA-nın məlumatına görə, Ç. Beyani şəhərcikdə salınan 540 şagird yerlik Zəngilan rayon 33 saylı tam orta məktəbi və 280 yerlik “Şəfəq” uşaq bağçası ilə tanış olub. Daha sonra qonaq Binəqədi rayonunda 160 məcburi köçkün ailəsinin məskunlaşdığı İdarəetmə və Texnologiya Kollecinin yataqxanalarında məcburi köçkünlərin yaşayış şəraiti ilə maraqlanıb.
Ç. Beyani jurnalistlərə açıqlamasında deyib ki, Azərbaycana səfəri nəticəsində məcburi köçkünlərlə bağlı hazırlayacağı hesabatı bu ilin oktyabrında BMT Təhlükəsizlik Şurasına, gələn ilin iyulunda isə BMT-nin İnsan Hüquqları Şurasına təqdim edəcək.

четверг, 1 мая 2014 г.

Məcburi köçkünlər yaşayış şəraitindən narazılıq edir

LiderXeber.com informasiya agentliyinin verdiyi məlumata görə, onların yaşadıqları bağça, məktəb və idarə binaları isə artıq öz istismar müddətini çoxdan başa vurub.

Onları əsəbi halda sözlərini ifadə etməyə məcbur edən səbəblərin sayı-hesabı yoxdur. Çünki, yaşadığı şərait bunu deməyə əsas verir. Nəsimi rayonu, Feyzulla Qasımzadə küçəsi, 36 ünvanında yerləşən, 3 saylı Bakı Peşə Məktəbinin yataqxanasında müvəqqəti məskunlaşan məcburi köçkünlər artıq bu vəziyyətin müvəqqəti olmamasından narahatdır.

понедельник, 3 марта 2014 г.

MVA növbəti layihəsini başa vurdu

Mingəçevir Valideynlər Assosiasiyası Barışıq Resursları təşkilatı tərəfindən Avropa Birliyinin maliyyələşdirdiyi “Məcburi köçkünlər üçün dünyaya pəncərə” layihəsini uğurla başa çatdırıb. Bu münasibətlə fevralın 25-də Mingəçevir Media Mərkəzində layihənin icraçıları və iştirakçılarının birgə görüşü keçirilib. MVA-nın prezidenti Fərman Nəbiyev ötən ilin noyabr ayından start verilən tədbirlərdən danışıb. O, bildirib ki, məcburi köçkünlərin qayğı və problemlərinin öyrənilməsiylə bağlı onların məskunlaşdıqları yaşayış yerlərində sorğular keçirilib. Bu sorğularda Mingəçevir Politexnik İnstitutunun “Debat” klubunun üzvləri yaxından iştirak ediblər. 

вторник, 4 февраля 2014 г.

Ödənişsiz kompyuter kurslarını bitirənlərə sertifikatlar verilib

Regional İnsan Hüquqları və Media Mərkəzi məcburi köçkün gənclər üçün təşkil etdiyi ödənişsiz kompyuter kursları yekunlaşıb. Bərdə rayonunda həyata keçirilən «Məcburi köçkünlərin yaşadığı Qarabağ qəsəbəsində gənclər üçün ödənişsiz kompyuter kurslarının təşkili» layihəsi üç ay müddətində davam edib. layihənin məqsədi məcburi köçkünlər üçün salınan qəsəbələrdə yaşayan yeniyetmə və gənclərə ödənişsiz kompyuter kurslarının təşkil edilməsi ilə onların bu sahədə biliklərə yiyələnməsinə və  məşğulluğunun artırılmasına nail olmaqdır. Layihə çərçivəsində məcburi köçkün ailələrindən olan şəxslərə üç ay müddətində kompyuter bilikləri verilib. Layihədən birbaşa Bərdə şəhərində yaşayan məcburi köçkün ailələrindən olan 20 nəfər faydalanıb. Layihənin yekunu ilə bağlı Bərdə rayonunda tədbir keçirilib. Kursu müvəffəqiyyətlə bitirən şəxslərə sertifikat verilib.

среда, 15 января 2014 г.

“Məcburi köçkünlər üçün dünyaya pəncərə”

Mingəçevir Valideynlər Assosiasiyası İctimai Birliyinin Barışıq Resursları təşkilatının maliyyəsi ilə noyabrından əvvəllərindən başladığı yeni layihə “Məcburi köçkünlər üçün dünyaya pəncərə” adlanır. Layihə rəhbəri Fərman Nəbiyevin dediyinə görə, son illər məcburi köçkünlərin mənzil-məişət şəraitinin yaxşılaşdırılmaı istiqamətində hökumət ciddi tədbirlər həyat keçirsə də, köçkünlərin informasiya ilə təminatı arzu olunan səviyyədə deyil: “Onların əksəriyyətinin internetə çıxışı yoxdur, xüsusən gənclər əsasən ticarətlə məşğul olur və boş vaxtlarını çayxanalarda nərd, domino oynamaqla keçirirlər. Yaşlı nəslin nümayəndələr də aktiv həyatdan uzaqdırlar. Köçkün icmasında araşdırma aparılarkən onların nə Bakıda, nə də Mingəçevirdə çıxan qəzetləri almadıqları üzə çıxıb. Bunun bir neçə səbəbi vardır: Birincisi, bu insanlara qəzet oxumağı yadırğadıblar. İkinci başlıca səbəb isə, KİV-də onların problemləri barədə yazıların verilməməsidir. Təbii ki, bu insanlar özləri barədə yazılmadığı qənaətinə gəldikləri üçün bu qəzetləri oxumağa maraq göstərmirlər”.