Mingəçevir Valideynlər Assosiasiyası Barışıq Resursları təşkilatı tərəfindən Avropa Birliyinin maliyyələşdirdiyi “Məcburi köçkünlər üçün dünyaya pəncərə” layihəsini uğurla başa çatdırıb. Bu münasibətlə fevralın 25-də Mingəçevir Media Mərkəzində layihənin icraçıları və iştirakçılarının birgə görüşü keçirilib. MVA-nın prezidenti Fərman Nəbiyev ötən ilin noyabr ayından start verilən tədbirlərdən danışıb. O, bildirib ki, məcburi köçkünlərin qayğı və problemlərinin öyrənilməsiylə bağlı onların məskunlaşdıqları yaşayış yerlərində sorğular keçirilib. Bu sorğularda Mingəçevir Politexnik İnstitutunun “Debat” klubunun üzvləri yaxından iştirak ediblər.
