Humanitar Tədqiqatlar Cəmiyyəti və Barışıq
Resursları təşkilatı «Məcburi Köçkünlər üzrə İş şəbəkəsi” layihəsi çərçivəsində
2013-cü ilin sentyabr – dekabr ayları ərzində icra olunması planlaşdırılan
kiçik layihələrin maliyyələşdirilməsi üçün müsabiqə elan edir. Müsabiqədə Məcburi
Köçkünlər üzrə İş şəbəkəsinə üzv olan və yaxud məcburi köçkün icmaları ilə
işləyən təşkilatlar iştirak edə bilərlər. Müsabiqənin məqsədi şəbəkə üzvü olan
təşkilatların potensialını artırmaqla, onların məcburi köçkünlərin sosial,
mədəni və hüquqi problemlərinin həll olunmasında dayanıqlı fəaliyyətini təmin
etməkdən ibarətdir.
вторник, 6 августа 2013 г.
понедельник, 5 августа 2013 г.
Azərbaycan və Gürcüstanın Məcburi Köçkünlər Şəbəkələri arasında əməkdaşlıq genişləndirilir
Gürcüstanının vətəndaş cəmiyyəti təmsilçiləri
Azərbaycanda məcburi köçkünlərlə bağlı görülən işlərlə tanış olub. Bu məqsədlə
Gürcüstanın «Snergiya» Məcburi Köçkünlər Şəbəkəsinin üzvləri iki gün Bakıda
olub. Səfər çərçivəsində Azərbaycan Məcburi Köçkünlərlə iş Şəbəkəsi və
«Snergiya» Məcburi Köçkünlər Şəbəkəsi üzvlərinin iştirakı ilə iki günlük dəyirmi
masa təşkil edilib. Tədbirdə Barışıq Resursları (Conciliation Resources) təşkilatının
Qafqaz layihə meneceri Laurense Broers və Mira Sovakar iştirak edib. Tədbir çərçivəsində
Azərbaycan və Gürcüstanda fəaliyyət göstərən Məcburi Köçkünlər Şəbəkələrinin həyata
keçirdiyi işlərlə bağlı fikir mübadiləsi aparılıb. İki ölkənin vətəndaş cəmiyyəti
institutlarının təmsilçiləri məcburi köçkünlərlə bağlı həyata keçirdikləri
layihələrlə barədə həmkarlarını məlumatlandırıb. Tədbir çərçivəsində Azərbaycan
Məcburi Köçkünlərlə iş Şəbəkəsi və «Snergiya» Məcburi Köçkünlər Şəbəkəsi
arasında əməkdaşlıq imkanlarının genişləndirilməsi məsələsi müzakirə edilib. Gələcəkdə
qarşılıqlı səfərlərin təşkili ilə təcrübə mübadiləsinin daha da artırılması ilə
bağlı ilkin razılıq əldə olunub.
Məcburi Köçkünlər üzrə Şəbəkə yaradılıb
Şəbəkə məcburi köçkünlərin problemlərinin
aktuallaşdırılması və beynəlxalq təşkilatların diqqətinə çatdırılmasına
çalışacaq.Azərbaycanın bu gün də ən böyük problemi Dağlıq Qarabağ
münaqişəsi və doğma yurdlarından didərgin düşən insanlarla bağlıdır. Dövlət məcburi
köçkünlərin sosial problemlərinin həlli, onların mənzil şəraitinin
yaxşılaşdırılması istiqamətində tədbirlər görülür. Bu problemin həllinə ölkədə
fəaliyyət göstərən ayrı-ayrı vətəndaş cəmiyyəti institutları da töhfə verməyə
çalışır.
Подписаться на:
Сообщения (Atom)