Azərbaycan prezidenti İlham Əliyev Azərbaycan-Türkiyə Yüksək
Səviyyəli Strateji Əməkdaşlıq Şurasının 4-cü iclasında iştirak etmək üçün
Ankarada səfərdədir. İclas Azərbaycan və Türkiyə prezidentlərinin iştirakı ilə
keçirilir.
İlham
Əliyevlə Türkiyə prezidenti Recep Tayyip Erdoğan arasında keçirilən görüşdə
söhbət iki ölkə arasında "siyasi, iqtisadi, energetika və digər sahələrdə"
əlaqələrin inkişafını əhatə edib, rəsmi məlumatda deyilir.
Azərbaycan
prezidentinin saytında verilən məlumata görə, görüşdə həmçinin Ermənistan-Azərbaycan,
Dağlıq Qarabağ münaqişəsinin ədalətli, beynəlxalq hüququn norma və prinsipləri əsasında,
Azərbaycanın ərazi bütövlüyü çərçivəsində həllinin vacibliyi qeyd edildi.
"Dağlıq Qarabağ probleminin həlli ilə bağlı son məlumatları
aldıq. Minsk Qrupunun səmimi olmadığını görürük. Onların dediklərini qəbul etməmiz
mümkün deyil", deyə APA Prezident Erdoğandan sitat gətirir.
Ötən
gecə cənab Əliyev Türkiyənin baş naziri Ahmet Davutoğlu ilə də görüşüb.
Görüşdə
Azərbaycan ilə Türkiyə arasında ikitərəfli münasibətlərdən söz açılıb,
iqtisadiyyat, enerji, nəqliyyat, o cümlədən Bakı-Tbilisi-Qars dəmir yolu layihəsindən
danışılıb.
Həmçinin
regional və beynəlxalq vəziyyət müzakirə edilib.
Strateji
Əməkdaşlıq Şurasının görüşləri 2011-ci ilin oktyabrından bəri keçirilir.
Комментариев нет:
Отправить комментарий