Moderator.az
Batumi şəhərində Avropa Şərq Tərəfdaşlığı Vətəndaş Cəmiyyəti Forumunda iştirak
edən Humanitar Tədqiqatlar Cəmiyyətinin direktoru Əvəz Həsənov ilə forumda baş
verənlər ilə bağlı vəziyyəti öyrənmək üçün əlaqə yaradıb.
Ə.Həsənov müxbirimizə bildirib ki, dünən forumun açılışı
zamanı Çexiyalı təşkilatın təşəbbüsü ilə Azərbaycanda siyasi məhbuslar problemi
ilə bağlı sərgi təqdim olunmasına Azərbaycan nümayəndə heyyəti etiraz etdi və təşkilatçılar
sərgini yığışdırmalı oldular.
Bundan sonra yaranmış münaqişənin aradan qaldırılması üçün
forum rəhbərliyi və katiblik ilə əlaqə yaradıldı. Bu gün isə Azərbaycanla bağlı
iki bəyanatın gündəliyə salınmasına baxmayaraq nümayəndə heyyəti yekdilliklə bu
bəyanatların indiki halda yersiz olduğunu əsas gətirirək onları gündəlikdən
çıxardılar.
Ə.Həsənov qeyd etdi ki, Vətəndaş Cəmiyyəti Forumu bütün
dövrlərdə Azərbaycan QHT-lərinin konstruktiv fəaliyyət göstərməsi üçün çox dəyərli
meydandır.
Dünən qəzetlərdə forumda baş verənlər ilə bağlı söz-söhbətlə
bağlı müxbirimizin suallarına cavab verən Ə.Həsənov qeyd etdi ki, “bu
jurnalistlərin qarışqadan fil düzəltmək cəhdindən başqa bir şey deyildi. Orada
olan kiçik insidentin şişirdilərək Azərbaycan mediasının baş mövzusu etmək
mövzu qıtlığının nümunəsidir”.
Onun sözlərinə görə, əsas odur ki, forum öz işini başa
çatdırdı və Azərbaycanla bağlı vəziyyət forumun gündəliyində idi. Azərbaycanda
insan hüquqları və demokratiya ilə bağlı pozitiv və neqativ mesajlar hamı üçün
açıq idi.
http://moderator.az/?xeber=62440
Комментариев нет:
Отправить комментарий