Avropa Şurası Parlament Assambleyasının Azәrbaycan üzrә yeni
hәmmәruzәçisi, polşalı Tadeuş İvinski martın əvvəlində Bakıya səfər edəcək. Səfərin
mәqsәdi Azәrbaycanın öhdәliklәri yerinә yetirilmәsi ilə bağlı vәziyyәti
öyrәnmәkdir. Azәrbaycan rәsmilәri, millәt vәkillәri, hüquq müdafiәçilәri və
media nümayәndәlәri ilə görüşləri gözlәnilir. Sәfәr zamanı hәmçinin noyabrda
keçirilәcәk parlament seçkilәrinə hazırlıqla bağlı vәziyyәt öyrәnilәcәk.
Mövzu ilə bağlı
Deyerler.org-a fikirlərini bölüşən hüquq müdafiəçisi Əvəz Həsənov deyib ki, 2015-ci il ölkədə
parlament seçkiləri ili olduğundan AŞ PA-nın aktivliyi təbii ki, müşahidə
olunacaq: “Avropa Oyunları və parlament seçkiləri öncəsi hakimiyyət istəyəcək
ki, vəziyyəti yumuşaldacaq addımlar atsın. Xüsusən AŞ PA öncəki həmmərizəçisi
ilə hökumətin münasibətləri çox gərgin idi. Bu baxımdan onun ölkəmizə gəlməsinə
müəyyən məhdudiyyətlər qoyulmuşdu. Amma indi hökumət ölkənin imicinə də təsir
edəcək tədbirlər ərəfəsində AŞ PA və Avropa Birliyi nümayəndələri ilə təmaslarını
intensivləşdirəcək. Bu ona görə edilir ki, Azərbaycanda vətəndaş cəmiyyəti,
media və sairə ilə bağlı olunan tənqidlər səngisin. Həm də Azərbaycan istəyəcək
ki, parlament seçkiləri ərəfəsində müəyyən islahatlara gedəcəyini nümayiş
etdirsin. Yəni burada həm AŞ PA–nın, həm də Azərbaycan tərəfinin müəyyən
maraqları var. AŞ PA istəyir ki, onlara ölkə daxilindəki durumu öyrənmək üçün
onlara müəyyən şərait yaradılsın. Azərbaycanın da marağı odur ki, bu ünsiyyətlərdən
istifadə edərək müəyyən islahatlara qapıların tam bağlı olmadığını göstərsin".
http://deyerler.org/242941-zhvjz-hjsjnov-vazjrbaycan-gnjmli-tjdbirljr-jrjfjsindj-fjrqli-imic-formalaeddrmaq-istjyirv.html
Комментариев нет:
Отправить комментарий